The piper came to our town,
to our town, to our town
the piper came to our town
and he play’d bonnilie.

He play'd a spring, the laird to please
a spring brent new frae yont the seas;
and then he gae his bags a wheeze,
and play’d anither key.

And wasna he a roguy, a roguy, a roguy,
and wasna he a roguy, the piper o' Dundee?

He play'd "The Welcome owre the Main,"
and "Ye'se be fou and I'se be fain,"
and "Auld Stuart's back again"
wi' muckle mirth and glee.

He play'd "The Kirk", he play'd "The Queen"
"The Mulin Dhu" and "Chevalier"
and "Lang away, but welcome here"
sae sweet, sae bonnilie.

And wasna he a roguy, a roguy, a roguy,
and wasna he a roguy, the piper o' Dundee?

It's some gat swords and some gat nane
and some were dancing mad their lane,
and mony a vow o' weir was ta'en
that night at Amulrie.

There was Tullibardine, and Burleigh,
and Struan, Keith, and Ogilvie,
And brave Carnegie, wha' but he,
The piper o' Dundee.

And wasna he a roguy, a roguy, a roguy,
And wasna he a roguy, the piper o' Dundee?